Bolqarıstanda neonasist yürüşü keçirmək cəhdinin qarşısı alınıb
Bolqarıstan polisi Sofiyada neonasist yürüşü keçirmək cəhdini dayandırıb.
Bu barədə The Sofia Globe yazıb.
Jurnalistlərin qeyd etdiyi kimi, yerli bələdiyyənin tədbirə razılıq verməməsinə baxmayaraq, bir qrup insan məşəl yürüşündə iştirak etmək üçün yerli vaxtla saat 17:00-da şəhərin mərkəzinə toplaşmağa başlayıb.
"Bolqarıstanın paytaxtı Sofiyada polis meri Vasil Terzievin göstərişi ilə hərəkət edərək, Xristo Lukovun şərəfinə hər il keçirilən "Lukov Marşı" axşamının qarşısını alıb", - məlumatda deyilir.
Lukov 1930-1940-cı illərdə Bolqarıstan Milli Legionlarının neonasist İttifaqının lideri olub. Generalın şərəfinə keçirilən tədbir 2003-cü ildən hər il Sofiyada keçirilir. Yürüş İkinci Dünya Müharibəsi zamanı Almaniyaya dəstək verən və antifaşist müqavimət hərəkatı tərəfindən öldürülən Xristo Lukovun millətçi pərəstişkarlarını cəlb edib.
