Şimali Koreya Cənubi Koreya ilə iqtisadi əməkdaşlıq haqqında qanunları ləğv etmək qərarına gəlib
Şimali Koreya Cənubi Koreya ilə iqtisadi əməkdaşlıq haqqında qanunları ləğv etmək qərarına gəlib.
Yonhap-ın Şimali Koreya Mərkəzi Xəbər Agentliyinə (KCNA) istinadən verdiyi xəbərə görə, Şimali Koreya Ali Xalq Məclisində dünən keçirilən iclasda iki ölkə arasında iqtisadi əməkdaşlıq və bu günlərdə təşkil olunacaq beynəlxalq turlarla bağlı qanunların ləğv edilməsinə qərar verilib.
Cənubi Koreyanın Birləşmə Nazirliyi Şimali Koreyanı daha da təcrid edəcək bu son qərarın gözlənilməz olmadığını bildirib.
Nazirlik rəsmisi mətbuata verdiyi açıqlamada Şimali Koreyanın birtərəfli qərarı ilə razılaşmaların etibarsız sayılmadığını və Pxenyanın qərarına dərhal cavab verməyi planlaşdırmadıqlarını bildirib.
Şimali Koreyanın Ali Xalq Məclisi yanvarın ortalarında Cənubi Koreya ilə əlaqələrin idarə olunmasına cavabdeh olan əsas dövlət qurumları olan Sülh Məsləhətli Birləşmə Komitəsini, Milli İqtisadi Əməkdaşlıq Bürosunu və Beynəlxalq Turizm Administrasiyasını ləğv etdiyini elan edib.
