Şimali Koreya lideri Cənubun “dəyişməz əzəli düşmən” kimi müəyyən edilməsini tələb edib
Şimali Koreya lideri Kim Jong-un Cənubi Koreyanı "daimi düşmən" kimi təyin etmək üçün konstitusiyanın yenidən yazılmasını tələb edib.
Şimali Koreya Mərkəzi Xəbər Agentliyinin (KCNA) məlumatına görə, Kim Ali Xalq Məclisinin (SPA) 10-cu sessiyasında Cənubi Koreya ilə münasibətləri dəyərləndirib.
Kim Cənubi Koreya ilə barışıq axtarmayacaqlarını və konstitusiyanın Seulu "dəyişməz baş düşmən" olaraq təyin etmək üçün yenidən yazılmalı olduğunu söyləyib.
Kim Cənubi Koreya və ABŞ-ı hərbi təlimlər keçirmək və strateji varlıqları yerləşdirməklə Koreya yarımadasını mümkün müharibə zonasına çevirməkdə ittiham edib və Cənubi Koreya ilə birləşməyə çalışmağın mümkün olmadığını vurğulayıb.
Kim həmçinin "Şimalın yarısı, sülh yolu ilə birləşmə və böyük milli birlik" kimi ifadələrin konstitusiyadan çıxarılmasının lazım olduğunu bildirib və Pxenyanda iki ölkə arasında birləşməni təsvir edən abidənin sökülməsini tələb edib.
Şimali Koreyanın birtərəfli müharibəyə başlamaq istəyinin olmadığını, lakin müharibədən qaçmayacaqlarını qeyd edib.
Şimali Koreyanın Ali Xalq Məclisi dünən Cənubi Koreya ilə əlaqələri idarə etmək vəzifəsi daşıyan əsas dövlət qurumları olan Sülh Məsləhətli Birləşmə Komitəsini, Milli İqtisadi Əməkdaşlıq Bürosunu və Beynəlxalq Turizm Administrasiyasını ləğv etdiyini açıqlayıb.
