Qırğızıstanda təlim uçuşu həyata keçirən helikopter qəzaya uğrayıb
Qırğızıstanın paytaxtı Bişkekdə təlim uçuşu zamanı Mi-8 hərbi tipli helikopterin qəzaya uğradığı bildirilib.
Rəsmi xəbər agentliyi “Kabar”ın məlumatına görə, Qırğızıstan Müdafiə Nazirliyinə aid poliqonda təlim uçuşu həyata keçirən Mi-8 tipli hərbi helikopter eniş zamanı qəzaya uğrayıb.
Xəbərdə qəzada yaralananların olduğu və hadisə ilə bağlı araşdırmalara başlanıldığı bildirilib.
Qırğızıstan Müdafiə Nazirliyi hələlik qəza ilə bağlı açıqlama verməyib.
