Hikmət İbrahimli: 2023-cü ildə icbari sığorta ilə 25 qaraciyər transplantasiyası həyata keçirilib
Ötən il Azərbaycanda 25 qaraciyər transplantasiyası əməliyyatı icbari tibbi sığorta ilə həyata keçirilib.
AFN.az xəbər verir ki, bunu İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli Bakıda keçirilən “Qastroenterologiya və hepatologiya sahəsində müasir klinik tövsiyələr” adlı elmi-praktik konfransda bildirib. O qeyd edib ki, Azərbaycanda artıq 3300-dən çox tibbi xidmət TƏBİB-in xidmətlər zərfinə daxildir və bu rəqəm getdikcə artacaq.
