Tayvanda keçirilən prezident seçkilərində hakim partiyanın namizədi Lai Çinqte qalib gəlib
Çinlə suverenlik mübahisəsində olan Tayvanda keçirilən prezident seçkiləri hakim Demokratik Tərəqqi Partiyasının namizədi, hazırkı vitse-prezident Lai Çinqtenin qələbəsi ilə nəticələnib.
Mərkəzi Seçki Komissiyasının açıqladığı hələlik dəqiq olmayan nəticələrə görə, Tayvanda keçirilən prezident seçkilərində seçki qutularının 99,7 faizi açılıb. İlkin nəticələrə görə, hakim Demokratik Tərəqqi Partiyasının (DPP) namizədi, hazırkı vitse-prezident Lai Çinqte 40,5 faiz səslə qalib gəlib.
Lainin ən yaxın rəqibi, ana müxalifət Milliyyətçi Partiyasının (Koumintang/KMT) namizədi Hou Yu-ih 33,49 faiz, Tayvan Xalq Partiyasının (TPP) namizədi Ko Ven-je isə 26,46 faiz səs toplayıb.
Lai seçkilərdə qazandığı qələbə ilə DPP-ni üçüncü müddətə hakimiyyətə gətirsə də, qarşıdakı 4 il ərzində adada hökumətin lideri olacaq.
Seçkilərdə vitse-prezidentliyə namizəd kimi Lai ilə rəqabət aparan Tayvanın Vaşinqtondakı keçmiş nümayəndəsi Hsiao Bi-khim də onun müavini vəzifəsini icra edəcək.
Qələbə çıxışında Lai Tayvan xalqına DPP-yə verdiyi dəstəyə görə təşəkkür edib və seçkinin nəticəsinin Tayvanın demokratiya və avtoritarizm arasında seçiminin demokratiya olduğunu göstərdiyini vurğulayıb.
