İlk türk astronavtı daşıyan kapsul Floridaya çatıb
Yanvarın 17-də Türkiyənin ilk kosmik səyyahı Alper Gezeravcını Beynəlxalq Kosmik Stansiyaya (BKS) daşımaq üçün yola düşəcək "Dragon" kapsul Floridadakı 39A nömrəli buraxılış meydançasının anqarına çatıb.
"SpaceX"-in sosial media hesabında edilən yazıda, "Falcon 9" gələn həftə Ax-3-ü kosmos stansiyasına göndərməzdən əvvəl "Dragon" Floridadakı 39A nömrəli buraxılış meydançasının anqarına çatdı" - deyə bildirilib.
Türkiyənin kosmonavt astronavtı Tuva Cihangir Atasever də paylaşımında bunları qeyd edib: "Alper qardaşı və Ax-3 heyətini Beynəlxalq Kosmik Stansiyaya daşıyacaq "Dragon" kapsulu Kennedi Kosmik Mərkəzinə gəlib".
