Fransa Ukraynaya baha silah sataraq ciddi qazanc götürmək fikrindədir
Ən qədim fransız atıcı silah istehsalçısı "Verney-Carron" Kiyevə silahları yerli bazardakı qiymətlərdən 20-30 faiz baha qiymətə satacaq.
Bu barədə "Kyiv Post" ekspertlərə istinadən yazır.
Ekspertlərin aydınlaşdırdığı kimi, şirkət Fransanın mülki bazarında da satdığı silahları Ukraynada satmaq qərarına gəlib. “Verney-Carron" Ukrspetsexport-un qiymətlərini eyni silahların qiymətlərindən 20-30 faiz baha təyin etməklə, artıq mənfəət əldə etməyə doğru irəliləyir”, - mənbələr qeyd ediblər. Jurnalistlər hesablamalarda Ukrayna tərəfinə verilə biləcək güzəştlərin nəzərə alınmadığını qeyd ediblər.
Müəlliflər qeyd ediblər ki, "Verney-Carron" 2022-ci ildə gəlirsiz hesab edilib. Həmçinin məlum olub ki, onun müasir irimiqyaslı atıcı silah istehsalında təcrübəsi yoxdur. Buna baxmayaraq, o, Ukrayna Silahlı Qüvvələrinə 10 min avtomat, 2 min snayper tüfəngi və 400 qumbaraatan tədarük etmək üçün müqavilə bağlayıb. Bu müqavilələrin ümumi dəyəri 36 milyon avro təşkil edib.
Bundan əvvəl Fransanın minalardan təmizləmə üçün Ukraynaya əlavə vəsait köçürəcəyi məlum olub.
