İsraildə öldürülən rusların sayı artıb
HƏMAS-ın hücumundan sonra İsraildə öldürülən rusların sayı 16-ya yüksəlib.
Bu barədə Rusiyanın İsraildəki səfirliyinin mətbuat xidməti Lenta.ru-ya məlumat verib.
“Təəssüflə bildiririk ki, İsrail tərəfinin məlumatına görə, oktyabrın 14-ü saat 13:00-a olan məlumata görə, İsrail vətəndaşlığı olan Rusiya Federasiyasının ölən vətəndaşlarının sayı 16 nəfərə çatıb. Hazırda səfirliyin konsulluq şöbəsi Rusiya Daxili İşlər Nazirliyinin İsraildəki nümayəndəsi ilə birlikdə mövcud məlumatları yoxlayır və təsdiqləyir”, - deyə nümayəndəlikdən bildirilib.
Səfirliyin mətbuat xidmətindən 8 nəfərin də itkin düşdüyü bildirilir.
