Tayvan doğum nisbətini artırmağı planlaşdırır: Uşağı olana it hədiyyəsi
Tayvanda prezidentliyə namizədliyini açıqlayan milyarder Terri Qou cütlüklərə pulsuz ev heyvanları təqdim edərək ölkədə azalan doğum nisbətini artırmağı hədəfləyir.
O, cütlüklərə uşaqları olduqda pulsuz ev heyvanları təklif edərək, sürətlə aşağı düşən doğum nisbətini artırmağı təklif edib.
"Apple" tədarükçüsü "Foxconn"un qurucusu Terri Qou, cümə günü Taypey şəhər məbədində iştirak edənlərə deyib ki, Tayvanda azalan doğum nisbəti yeni valideynlərə pişik və ya it verməklə həll edilə bilər, bu onun kampaniyasının necə işləyəcəyinə dair ilkin əlamətdir.
Tayvan dünyada ən aşağı doğum nisbətinə malikdir. Çoxları yüksək yaşayış xərclərini, uşaq baxımında çətinlikləri və ənənəvi gender gözləntilərini qeyd edir. Əhalinin sürətli qocalması Tayvanın iqtisadiyyatını və hərbi müdafiəsini təhdid edir.
Bu arada, ev heyvanlarına sahiblik artmaqdadır və bir çox cütlüyün uşaqları əvəzinə heyvanları seçdiyinə dair məlumatlar var. Lakin Gou deyir ki, insanlar hər ikisini qəbul etməyə həvəsləndirilə bilər.
Təklif bəzi hökumət siyasətçiləri və heyvanları müdafiə edən qruplar tərəfindən tənqid edilib.
Qou, son prezident seçkilərində altı yaşa qədər uşaq baxımı xərcləri üçün hökumət subsidiyasını təklif etdiyini, lakin bunun həyata keçirilmədiyini deyib.
Qou həmçinin boğazlararası münasibətləri bərpa edəcəyini və Tayvan iqtisadiyyatını inkişaf etdirəcəyini vəd edib.
O, şənbə günü "Foxconn" direktorlar şurasından istefa verib.
