Bakıda nasaz avtomobil tıxaca səbəb oldu
Bakıda nasaz avtomobil tıxaca səbəb olub.
AFN.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.
Bildirilib ki, texniki nasazlıq səbəbindən bir avtomobilin yolda qalması zolaqlardan birinin tutulmasına və nəticədə həmin istiqamətdə sıxlığın yaranmasına səbəb olub.
Belə ki, Ziya Bünyadov və Atatürk prospektlərinin kəsişməsində yolda texniki nasaz nəqliyyat vasitəsinin qalması səbəbindən metronun “20 Yanvar” stansiyası istiqamətində sıxlıq yaşanır.
Daxili İşlər Nazirliyinin Nəqliyyatı İntellektual İdarəetmə Mərkəzinin əməkdaşı tərəfindən ərazidə xidmət aparan yol polisi əməkdaşlarına məlumat verilib. Sıxlığın aradan qaldırılması istiqamətində işlər görülür.
