Çin mübahisəli adada hərbi obyektlər tikir?
Çin Cənubi Çin dənizində Vyetnam və Tayvanın da iddia etdiyi mübahisəli Triton adasının hərbi inkişafında ittiham edilir.
AFN.az xəbər verir ki, bu barədə "Associated Press" məlumat yayıb.
Peyk görüntülərinə görə, Çin hava zolağı inşa edə bilər. İnşa edilərsə, o, Cənubi Çin dənizindəki Çinin nəzarətində olan adalardakı bütün digər zolaqlardan daha böyük olacaq.
Peykdən çəkilmiş görüntülərə əsasən, uçuş-enmə zolağının tikintisinə avqustun əvvəlində başlandığı ehtimal edilir. Uçuş-enmə zolağının 600 metrdən çox uzunluğunda olması, turboprop və pilotsuz təyyarələri yerləşdirmək üçün kifayət edəcəyi, qırıcı və ya bombardmançı təyyarələr üçün olmadığı aydın olub.
Triton Parasel qrupunun ən böyük adalarından biridir. Əvvəllər Vyetnama məxsus olsa da, lakin 1974-cü ildə kiçik dəniz münaqişəsi nəticəsində Çin tərəfindən tutulub.
Bir müddət əvvəl Çin Kommunist Partiyası Mərkəzi Komitəsinin Xarici Əlaqələr Komissiyasının ofisinin rəhbəri Vanq Yi regiondan kənar dövlətləri Cənubi Çin dənizinə hərbi gəmi və təyyarə göndərməyi dayandırmağa çağırıb.
