Dağıstanda turistlərə şortik qadağası
Dağıstanın Turizm Nazirliyi turistlər üçün davranış normalarını əks etdirən xüsusi vərəqə verib.
AFN.az-ın xəbərinə görə, bu barədə TourDom portalı məlumat yayıb. Məsləhətlərin bəziləri geyimlə bağlıdır. Xüsusilə, kişilərə şort və köynəkləri unutmaları, qadınlara isə mini ətəklər və digər açıq və ya dar geyimlərdən imtina etmələri tövsiyə olunur. İbadət yerlərini ziyarət etmək üçün isə sizinlə bir şərf olması məsləhətdir.
Bundan əlavə, rəsmilər xəbərdarlıq ediblər ki, ictimai yerlərdə qucaqlaşmaq və öpüşmək, ictimai yerlərdə siqaret çəkmək və spirtli içki içmək, məscidlərin yaxınlığında yüksək səslə musiqi səsləndirmək respublikada adət deyil. Kişi və qadınların əl sıxması da xoş qarşılanmır.
Memorandumda turistlərin çimərliklərdə davranışlarına xüsusi diqqət yetirilir. Orada qeyd olunur ki, istirahət edənlərin günəş vannası qəbul etmələri və üst paltarsız üzmələri qəti qadağandır. "Bu ənənəvi etiketdə bir dənə də olsun təsadüf yoxdur. Hər şey heç bir şəxsin, o cümlədən qonağın ləyaqətinə xələl gətirməmək məqsədi daşıyır", - memorandumun müəllifləri vurğulayıblar.
Bundan əvvəl rusiyalı turist Dağıstanda olub və səfəri "hər yer zibil" ifadəsi ilə təsvir edib. "Mümkünsə, zibilləri təkcə özünüzdən sonra yox, ətrafda olanı da götürün" - deyə o təəssüratlarını bölüşüb.
