Rusiya və İran Rəşt-Astara dəmir yolu hissəsinin tikintisinə dair saziş imzalayıblar
Rusiya ilə İran arasında Rəşt-Astara dəmir yolu hissəsinin yaradılması haqqında saziş bağlanıb.
AFN.az xarici mediaya istinadən xəbər verir ki, Rusiya prezidenti Vladimir Putin bu sazişi bütün dünya nəqliyyat infrastrukturu üçün böyük hadisə adlandırıb.
Rusiya və İran bu dəmir yolu hissəsinin tikintisi ilə bağlı birgə saziş bu gün imzalanıb. "Rəşt-Astara dəmir yolunun bir hissəsi olacağı unikal Şimal-Cənub nəqliyyat arteriyası qlobal nəqliyyat axınının əhəmiyyətli dərəcədə diversifikasiyasına kömək edəcək", - deyə Putin bildirib. O, nümunə kimi Sankt-Peterburqdan Mumbaya yeni marşrutla təxminən 10 günə, ənənəvi marşrutlar üzrə isə 30-45 günə qədər malların çatdırılmasını göstərib.
"Rəşt - Astara dəmir yolu hissəsinin tikintisi həqiqətən də region, bütün dünya nəqliyyat infrastrukturu, ölkələrimiz üçün böyük hadisədir", - Rusiya prezidenti əlavə edib.
İranda Rəşt-Astara dəmir yolu hissəsinin tikintisi 1,6 milyard avroya başa gələcək, 1,3 milyard avro dövlətlərarası kredit hesabına maliyyələşdiriləcək. Novak həmçinin qeyd edib ki, ölkələr 2030-cu ilə qədər dəmir yolu ilə yük daşımalarını üç dəfə artırmaq niyyətindədirlər.
Putin sazişin imzalanma mərasimində videobağlantı vasitəsilə iştirak edib. Öz növbəsində İran lideri İbrahim Rəisi qeyd edib ki, ölkələr böyük potensiala malik birgə iqtisadi layihələrin həyata keçirilməsi üçün bütün səylərini sərf etməlidir.
