Azərbaycanda üç ayda dövlət xətti ilə 111 milyon manat ipoteka krediti verilib
Bu ilin yanvar-mart aylarında İpoteka və Kredit Zəmanət Fondunun (İKZF) xətti ilə 111 milyon manat kredit verilib.
Azərbaycan Mərkəzi Bankının məlumatına görə, bu, ötən ilin eyni dövrü ilə müqayisədə 2,9% çoxdur.
Hesabat dövründə fondun yenidən maliyyələşdirdiyi kreditlərin məbləği isə 30% artaraq 96,5 milyon manat olub.
İl ərzində İKZF-nin istiqraz buraxmaqla cəlb etdiyi vəsaitin məbləği 100% azalıb, fonda dövlət büdcəsindən ayrılmış vəsaitin məbləği isə 8% azalaraq 21,9 milyon manata düşüb.
