Almaniyanın göndərdiyi 18 "Leopard 2" tankı Ukraynada döyüşə başlayır
Almaniya hökumətinin vəd etdiyi 18 "Leopard 2" tankı Ukraynaya çatıb.
AFN.az “Der Spiegel”ə istinadən xəbər verir ki, tanklar ötən həftənin sonunda Almaniyadan Ukraynaya yola düşüb. Artıq onlar sərhədi keçiblər və Ukrayna ərazisində döyüşə başlamağa hazırdırlar.
Ukrayna bu döyüş tanklarını Almaniya hökumətinin tədarükü təsdiqlədiyindən təxminən iki ay sonra aldı.
Xeyli müddətdir ki, tərəfdaşlar Ukraynanı döyüş tankları ilə təchiz etmək imkanlarını intensiv şəkildə müzakirə edirlər. Nəhayət bir neçə həftə əvvəl “tank koalisiyası” yaradaraq ukraynalılara tank tədarükünü təsdiqləyiblər. Kiyevə "Leopard" tanklarının verilməsində səkkiz dövlət əməkdaşlıq edir: Almaniya, Polşa, Portuqaliya, Kanada, İspaniya, Danimarka, Hollandiya və Norveç. Bununla belə, Ukraynaya 11 müttəfiq ölkədən tanklar vəd edildiyi bildirilir. Fevralın 24-də Polşa tərəfi ilk dörd "Leopard 2 A4" tankını ölkəmizə təhvil verib.
Bu yaxınlarda Almaniyanın müdafiə naziri söz vermişdi ki, martın sonunda Ukraynaya 20-dən çox "Leopard 2" döyüş tankı gələcək: bunlardan üçünü Portuqaliya 18-ni Almaniya tədarük edəcək.
