Əfqanıstanda Bəlx qubernatoru bombalı hücum nəticəsində öldü
Əfqanıstanın Bəlx vilayətində valiliyin binasına bombalı hücum olub.
AFN.az xarici mediaya istinadən xəbər verir ki, hadisə nəticəsində Əfqanıstanın şimalında yerləşən Bəlx vilayətinin valisi Məhəmməd Davud Muzamil və 2 nəfər həlak olub. Bəlx polisindən verilən açıqlamada bildirilir ki, hücum bu gün səhər saat 09:00 radələrində baş verib. "Valiliyin ikinci mərtəbəsində partlayış baş verib. Hadisə nəticəsində vali Məhəmməd Davud Muzamil və həmin vaxt valilikdə olan 2 mülki vətəndaş həlak olub" - deyə Bəlx polisinin sözçüsü Asif Vəziri bildirib.
O, hadisə ilə bağlı təhqiqatın başladığını və daha ətraflı məlumat veriləcəyini deyib. Bundan əlavə, vurğulayıb ki, partlayış zamanı 5 nəfər yaralanaraq xəstəxanaya aparılıb.
