Yaralı qəhrəmanlar: Türkiyə mediası xilasedici itlərdən yazdı-VİDEO
Saniyələrin belə əhəmiyyətli olduğu xilasetmə işlərində komandaların ən böyük köməkçisi təlim keçmiş itlərdir.
Türkiyədə baş verən zəlzələdən sonra xilasetmə işlərində də bu cür itlərin xidmətindən geniş istifadə edilir. AFN.az Türkiyə mediasına istinadən xəbər verir ki, həmin itlər yaralı olsalar belə, komandalara kömək etdikləri üçün təqdir edilir.
Ərazidə Türkiyədən və dünyanın hər yerindən təlim keçmiş itlər fəaliyyət göstərir. Onlara ehtiyac böyükdür, çünki 220 milyona yaxın qoxu hüceyrəsi ilə onlar bir neçə dəqiqə ərzində aradıqlarını tapırlar.
O itlərdən bəziləri hətta ayaqlarında sarğı ilə işini davam etdirir. Xilasedici heyvanlarla bağlı HaberGlobalın süjetini təqdim edirik:
