16 yaşı var, narkotik aludəçisidir: Taksi sürücüsünə atəş açan yeniyetmə həbs edilib
16 yaşlı oğlan mübahisə etdiyi taksi sürücüsünə tüfənglə atəş açıb.
Narkotik aludəçisi olduğu iddia edilən 16 yaşlı Arda Ç. 2 dostu ilə mindiyi taksidə 64 yaşlı sürücü Ömər Tokerlə mübahisə etdikdən sonra ona ov tüfəngi ilə atəş açıb.
Hücum anı cib telefonu kamerası ilə görüntülənib. Arda Ç. həbs olunub.
Türkiyədə baş verən hadisənin detallarına gəlincə, bildirilir ki, Arda Ç. yol boyu ara küçələrdən keçmək istəyən Tokerlə mübahisə edib. Arda Ç. daha sonra Tokerə nəqliyyat vasitəsini dayandırmasını əmr edib. O, yanındakı ov tüfəngi ilə əvvəlcə havaya, sonra isə taksinin sağ ön oturacağına atəş açıb. Sürücü avtomobilini sürüb uzaqlaşmaq istəyərkən yeniyetmə onun ardınca atəş açıb. Hadisə yerinə gələn polis qrupları Arda Ç. və iki dostunu saxlayıb. Polis bölməsindəki əməliyyatlardan sonra ədliyyəyə sövq edilən 3 şübhəlidən biri olan Arda Ç. hakim tərəfindən həbs olunub, digər 2 nəfər isə sərbəst buraxılıb.
