Dəhşətli cinayət: Yüzlərlə meyiti parçalayıb...
ABŞ-ın Kolorado ştatında keçmiş iş adamı yandırılmaq üçün gətirilən yüzlərlə cəsədi yararaq satıb.
AFN.az xarici mediaya istinadən xəbər verir ki, 20 il həbs cəzasına məhkum edilən 46 yaşlı Meqan Hess və anası 69 yaşlı Şirli Kox 2010-2018-ci illər arasında 560 cəsədi parçalayıb, onurğa, baş, çiyin, qol və ayaq kimi əzalarını satıblar.
Bu işdə onlara kömək edən Koç adlı şəxs də 15 il həbs cəzasına məhkum edilib.
Mərhumların yaxınlarını saxta sənədlərlə aldadaraq onların bədən hissələrini cərrahi təhsil şirkətlərinə satdıqları deyilən Hess və Koch iyulda keçirilən məhkəmə iclasında ittihamları qəbul ediblər. Hess və Kochun heç vaxt baş tutmayan kremasiya (meyitlərin yandırılması) üçün mərhumların yaxınlarından min dollar tələb etdikləri, bəzi hallarda isə bunu pulsuz etməyi təklif etdikləri bildirilir.
Qeyd edək ki, ABŞ-da transplantasiya üçün ürək və böyrək kimi orqanların satışı qanun pozuntusudur. Lakin baş, gövdə, qol və ayaq kimi üzvlər üçün heç bir hüquqi tənzimləmə yoxdur.
Sözügedən cinayətlə bağlı dünənki prosesdə mərhumların yaxınları da ifadə verib. Nensi Overhoff adlı qadın “Meqan anamın ürəyini oğurladı. O, mənim də ürəyimi qırdı” deyib. "Biz bu gün bura onun qandallandığını görmək üçün gəldik" - deyə başqa bir mərhumun yaxını Erin Smith bildirib.
Cəsədlərin Meqan Hessin idarə etdiyi "Sunset Mesa" dəfn evində icazəsiz parçalanaraq satıldığı 2018-ci ildə məlum olub. Daha sonra Federal Təhqiqat Bürosu (FTB) orada reyd keçirərək faktları və sübutları toplayıb.
