ABŞ və Ermənistan sərhədlərin delimitasiyasını müzakirə edib
ABŞ Dövlət katibinin müavini Ermənistanın xarici işlər naziri ilə Azərbaycanla sərhədlərin delimitasiyası və kommunikasiyaların açılması məsələsini müzakirə edib.
AFN.az-ın məlumatına görə, dekabrın 9-da Ermənistanın xarici işlər naziri Ararat Mirzoyan ABŞ dövlət katibinin Avropa və Avrasiya məsələləri üzrə müavini Karen Donfrid arasında telefon danışığı olub. Bu barədə Ermənistan XİN mətbuat xidməti açıqlama yayıb.
Ararat Mirzoyan və Karen Donfrid regional təhlükəsizlik və sabitliklə bağlı məsələlərə toxunublar. Tərəflər Ermənistan-Azərbaycan münasibətlərinin nizamlanması, Qarabağ məsələsinin həlli ətrafında fikir mübadiləsi aparıblar.
Xanım Donfrid ABŞ-ın Cənubi Qafqazda sülh prosesinə yardım etməyə hazır olduğunu vurğulayıb.
“Telefon danışığı zamanı Ermənistan və Azərbaycan arasında sərhədlərin delimitasiyası və təhlükəsizliyinin təmin edilməsi prosesinə, regionda nəqliyyat infrastrukturlarının blokdan çıxarılmasına da toxunulub”-məlumatda belə qeyd edilir.
M.Vahidli
