"BakuBus”un yarım milyonluq test xidməti
"BakuBus” MMC "Azmedicon” MMC ilə staınalma müqaviləsi bağlayıb.
Qaynarinfo xəbər verir ki, maliyyə dəyəri 400 586.4 AZN təşkil edən müqavilədə "BakuBus”un sürücülərinin səyyar yoxlama yerlərində və MMC-nin inzibati binasında tibbi baxış və alkoqol testlərinin keçirilməsi xidmətlərinin satın alınması nəzərdə tutulur.
İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, "Azmedicon” MMC 11 avqust 2004-cü ildə qeydiyyata alınıb. Nizamnamə kapitalı 24 AZN olan şirkətin hüquqi ünvanı Bakı şəhəri Səbail rayonu, Nizami küçəsi, ev 68, mənzil 15-də yerləşir. MMC-nin qanuni təmsilçisi Quliyev Ehtiram Tofiq oğludur.
Açıq mənbələrdə nə şirkət, nə də qanuni təmsilçisi barədə məlumat var. Baxmayaraq ki, şirkət 17 ildir fəaliyyət göstərir.
