Kəlbəcərdə atışma davam edir - Müdafiə Nazirliyi

Ermənistan-Azərbaycan dövlət sərhədinin Kəlbəcər sahəsində atışma hazırda da davam edir.
Müdafiə Nazirliyinin Mətbuat Xidmətindən AFN-ə verilən məlumata görə, ordumuzun bölmələri cavab atəşi ilə qarşı tərəfi susdurur.
Qeyd edək ki, bu gün saat 16:00 radələrində Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub. Qarşı tərəfdən açılan snayper atəşi nəticəsində hərbi qulluqçumuz gizir Yaqublu Fərman Telman oğlu şəhid olub.