Gömrükçülər Gürcüstandan gələn yük avtomobillərində siqaret aşkar edib
Bu barədə "Report"a DGK-dan məlumat verilib.
Belə ki, İdarənin "Qırmızı Körpü" gömrük postunda "SCANİA", "Ford Cargo", dörd ədəd "Mercedez Benz" və üç ədəd "DAF", markalı yük nəqliyyat vasitələri saxlanılıb. Sorğu-sual zamanı yük nəqliyyat vasitələrinin sürücüləri idarə etdikləri nəqliyyat vasitələrində gömrük nəzarətindən gizlədilən və bəyan edilməyən hər hansı predmetin olmadığını bildiriblər.
Yoxlama zamanı avtomobillərin gizli saxlanc yerlərində gömrük nəzarətindən gizlədilən ümumilikdə 20 800 ədəd müxtəlif markalı siqaretlər aşkar edilib.
Faktlarla bağlı araşdırma aparılır.
