İraqda İŞİD qurbanlarının 12 kütləvi məzarlığı aşkarlanıb
İraqda İŞİD terror qruplaşmasının qurbanları olan şəxslərin dəfn edildiyi 12 kütləvi məzarlıq aşkarlanıb.
Məlumata görə, İraqın kəşfiyyat ekspertləri və mütəxəssislərindən ibarət qrup Türkiyə, İsveç, Almaniya, Səudiyyə Ərəbistandan olan ekspertlərin köməyi ilə terror qruplaşmasının yeni cinayətlərini aşkarlayıb.
Ortaya çıxan yeni faktlarla əlaqədar İraq və BMT nümayəndələrinin birlikdə hazırladıqları hesabatda İraqın bir qrup əsgərinin 2014-cü ildə terrorçular tərəfindən Tiqritdə edam edildiyi yer alıb. Bununla yanaşı, terrorçuların 2016-cı ildə də Mosulda da kütləvi cinayət törətdikləri məlum olub.
