Fransada 80 min avroluq Pokemon kartı oğurlanıb
Fransanın şərqindəki Bourgoin-Jallieu şəhərində kolleksiya kartları üzrə ixtisaslaşmış mağazaya edilən basqın zamanı təxminən 80 min avro dəyərində Pokemon kartı oğurlanıb.
AFN.az xəbər verir ki, mağaza rəhbəri Fransa Mətbuat Agentliyinə (AFP) açıqlamasında hadisənin səhər saat 04:00 radələrində baş verdiyini bildirib.
Üzü maskalı dörd nəfərin əsas qapını sındıraraq içəri girdiyini bildirən səlahiyyətli şəxsin sözlərinə görə, oğrular həyəcan siqnalı işə düşdükdən sonra avtomobillə qaçmazdan əvvəl “Smogtrade” adlı mağazadan yüzlərlə kart oğurlayıblar.
Oğurlanan məhsulların demək olar ki, hamısının Yaponiyanın Pokemon franşizasına aid olduğu qeyd edilib.
Son illərdə kolleksiyaçılar arasında yüksək qiymətə alıcı tapan Pokemon kartları Fransada və dünyanın müxtəlif ölkələrində tez-tez oğurluq hadisələrinin hədəfinə çevrilir.
2024-cü ilin fevralında Fransanın Rennes şəhərində 100 min avro dəyərində on minlərlə Pokemon kartını oğurlayan üç nəfər həbs cəzasına məhkum edilmişdi.
Ötən ilin yanvarında İngiltərədəki özəl mağazadan təxminən 87 min avro dəyərində kart oğurlanıb, növbəti ay isə nadir Pikachu kartı hərracda 14,3 milyon avroya satılaraq rekord qırmışdı.
