ABŞ Dövlət Departamentində yüzlərlə diplomat işdən çıxarılıb
Vaşinqtonda Tramp administrasiyasının qərarı ilə aralarında onilliklərin təcrübəsinə sahib yüksək rütbəli kadrların da olduğu yüzlərlə diplomat bir e-poçt bildirişi ilə vəzifəsindən uzaqlaşdırılıb. AFN.az xəbər verir ki, ABŞ Dövlət Departamenti təxminən 250 xarici siyasət əməkdaşının fəaliyyətinə qısa və rəsmi bir e-poçt vasitəsilə son qoyub.
Ötən il başladılan bu ixtisar prosesi ümumilikdə mindən çox dövlət məmuruna da təsir edib.
Keçmiş rəsmilər, xüsusilə İran və Ukrayna böhranlarının davam etdiyi belə bir həssas dövrdə administrasiyaya yol göstərə biləcək ekspert enerji və diplomatiya şöbələrinin tamamilə bağlanıldığını bildirirlər.
Departament isə bu addımların bürokratik ləngliyi və maneələri aradan qaldırmaq məqsədilə atıldığını iddia edir.
Bu ixtisarlarla yanaşı, mövcud administrasiyada peşəkar diplomatların karyera yüksəlişi imkanları məhdudlaşdırıldığı üçün təxminən 2 min diplomat təqaüdə çıxıb və ya istefa vermək məcburiyyətində qalıb.
Hazırda ABŞ-ın dünya miqyasındakı səfirlik xidmətlərində 100-dən çox səfir postu boş qalıb.
Keçmiş səfirlər yaşanan təcrübə itkisinin ölkənin xarici siyasətinə uzunmüddətli dövrdə böyük zərər vuracağını və institusional yaddaşı yox etdiyini vurğulayırlar.
Nazirlik daxilində illik fəaliyyət qiymətləndirilməsinə administrasiyanın siyasətinə sadiqlik meyarının gətirilməsi də əməkdaşlar üzərindəki təzyiqi artırır.
Dövlət Departamentinin mətbuat xidməti isə bütün tənqidləri rədd edərək, həyata keçirilən islahatlar sayəsində daha çevik hərəkət edə bilən, dinamik bir struktur formalaşdırdıqlarını bildirir.
