Lula Trampdan futbolçu vizaları ilə bağlı xahiş etdi
Braziliya Prezidenti Lula ABŞ Prezidenti Donald Trampa braziliyalı futbolçuların vizalarını ləğv etməyəcəyinə ümid etdiyini çatdırıb.
AFN.az xəbər verir ki, Lula öz müraciətində milli komandanın böyük hədəflərinin olduğunu vurğulayıb və çempionluğa nail olmaq üçün bütün oyunçuların heyətdə yer almasının həlledici əhəmiyyət kəsb etdiyinə inandığını ifadə edib.
Braziliya rəhbəri milli komandadakı hər bir oyunçunun ev sahibi ölkəyə problemsiz gedə bilməsi üçün vizaya ehtiyac duyduğunu xüsusi qeyd edib.
O, həmçinin uçuşların, məşqlərin və yaşayış yerlərinin əlaqələndirilməsi üçün dəqiq cədvəlin vacibliyinə diqqət çəkib.
Futbolçular səfirliyə lazımi sənədləri, sağlamlıq arayışlarını və milli komandanın rəsmi üzvü olduqlarını təsdiq edən idman akkreditasiyalarını təqdim etməlidirlər.
Lulanın Donald Trampa ünvanladığı bu tələb Braziliya ilə ABŞ arasında müxtəlif sahələrdə əməkdaşlığın gücləndirilməsinə yönəlmiş diplomatik dialoq prosesinin tərkib hissəsi kimi qiymətləndirilir.
İndiyədək iki ölkə arasında mədəni və idman mübadiləsini asanlaşdıran ikitərəfli sazişlər imzalansa da, viza qaydalarında baş verə biləcək hər hansı dəyişiklik planlaşdırılan öhdəliklərin normal gedişatına təsir göstərə bilər.
