UNIFIL: Livan ordusunun cənubda 120-dən çox mövqedə yerləşməsinə kömək etdik
UNIFIL Livan ordusunun ölkənin cənubunda 120-dən çox daimi mövqedə yerləşdirilməsinə yardım etdiklərini açıqlayıb.
Birləşmiş Millətlər Təşkilatının Livan üzrə Müvəqqəti Qüvvələri (UNIFIL) Livan ordusunun ölkənin cənubunda 120-dən çox daimi mövqedə yerləşdirilməsinə yardım etdiklərini açıqlayıb.
UNIFIL missiyasının rəhbəri və komandanı Diodato Abagnara açıqlamasında qeyd edib ki, Livan ordusunun ölkənin cənubunda tam şəkildə yerləşdirilməsi dəstəklənir və bu, bölgədə dövlət hakimiyyətinin təmin olunması üçün əsas şərtdir.
Abagnara bildirib ki, Livan ordusunun ölkənin cənubunda 120-dən çox mövqedə yerləşdirilməsinə kömək ediblər və ordunun ölkə ərazisində tam şəkildə yerləşməsi üçün hazırda İsrail qüvvələrinin nəzarətində olan ərazilərdən tamamilə geri çəkilməsi vacibdir.
O əlavə edib ki, birgə fəaliyyətlər və təlimlər vasitəsilə Livan ordusunun imkanlarını gücləndirmək təkcə UNIFIL üçün deyil, beynəlxalq ictimaiyyət üçün də sabitliyin təmin olunması baxımından həyati əhəmiyyət daşıyır.
İsrail ordusu Livanın cənubundan qismən geri çəkilsə də, son toqquşmalarda nəzarətə götürdüyü 5 strateji yüksəklikdə üstünlüyü davam etdirir.
