"Google" on ildən sonra ilk dəfə öz loqosunu yeniləyib
Amerikanın "Google" korporasiyası on ildən sonra ilk dəfə olaraq öz loqotipini yeniləyib.
Bu barədə 9to5google nəşri məlumat yayıb.
Yeniləmənin bir hissəsi olaraq "Google" G hərfindəki açıq rəngli sektorları gradientlə əvəz edib. Eyni zamanda şirkət əvvəlki şrifti saxlayıb. Loqonun bu versiyası artıq iOS-da "Google" tətbiqində göstərilir.
Qeyd edək ki, korporasiya loqosunu sonuncu dəfə 2015-ci il sentyabrın 1-də yeniləyib. Daha sonra şrift dəyişdirilib. Həmçinin kiçik G hərfi böyük hərflə əvəz edilib.
