Avropa İttifaqından süni intellekt həmləsi
Avropa İttifaqı (Aİ) süni intellekt sahəsində ABŞ və Çinə çatmaq üçün irimiqyaslı məlumat və hesablama infrastrukturu qurmağı və qaydaları sadələşdirməyi planlaşdırır.
Aİ Komissiyası süni intellekt sahəsində yeni strategiyasını özündə əks etdirən Süni İntellekt üzrə Kontinental Fəaliyyət Planını dərc edib.
Buna uyğun olaraq, AB süni intellekt sahəsində aparıcı rol oynamaq üçün yeni addımlar atacaq. Aİ-nin süni intellektdə innovasiya imkanları artırılacaq. Geniş miqyaslı süni intellekt məlumatları və hesablama infrastrukturu yaradılacaq. Aİ Komissiyası Avropanın süni intellekt və super hesablama infrastrukturunu süni intellekt texnologiyası şəbəkəsi ilə gücləndirəcək.
Aİ süni intellekt təşəbbüslərini, sənayeni və tədqiqatçıları öz modellərini və tətbiqlərini inkişaf etdirmək üçün dəstəkləyəcək.
Alyans süni intellektlə işləyən qiqafabriklərin qurulmasına kömək edəcək. Bu qiqafabriklər təqribən 100.000 qabaqcıl çiplə təchiz edilmiş iri miqyaslı obyektlər olacaq ki, bu da mövcud süni intellekt fabriklərindən dörd dəfə çox böyükdür. Obyektlər misli görünməmiş miqyasda mürəkkəb süni intellekt modellərini hazırlamaq və inkişaf etdirmək üçün böyük hesablama gücünü və məlumat mərkəzlərini birləşdirəcək.
Süni intellekt qiqafabrikləri Aİ-nin kritik sənaye sektorlarının strateji muxtariyyətini qoruyacaq. Özəl sektorun qiqafabriklərə investisiyaları təşviq ediləcək.
AB daxilində 5 süni intellekt qiqafabriki üçün 20 milyard avro investisiya səfərbər ediləcək.
Komissiya bulud tutumuna və məlumat mərkəzlərinə özəl sektorun investisiyasını təşviq etmək üçün ayrıca qanunvericilik təklifi hazırlayacaq. Məqsəd Aİ-nin məlumat mərkəzinin tutumunu ən azı üç dəfə artırmaq olacaq.
Böyük və keyfiyyətli məlumatlara çıxış artırılacaq. Müxtəlif mənbələrdən böyük, yüksək keyfiyyətli məlumat həcmlərini birləşdirən və təşkil edən süni intellekt fabriklərində Data Labs yaradılacaq.
Strateji sektorlarda alqoritmlərin inkişafı və süni intellektin qəbulu təşviq ediləcək. AB-də 13,5 faiz olan süni intellektdən istifadə edən şirkətlərin nisbəti daha da artırılacaq.
Xüsusi hazırlanmış süni intellekt həllərinin hazırlanması, sənaye istifadələrinin artırılması və Aİ-nin strateji dövlət və özəl sektorlarında süni intellektin tam tətbiqini təmin etmək üçün qarşıdakı aylarda süni intellekt tətbiqi strategiyasına start veriləcək.
Süni intellekt sahəsində bacarıq və biliklər gücləndiriləcək. Bu sahədə təhsil və təlim proqramları hazırlanacaq. Yüksək ixtisaslı süni intellekt üzrə ekspertlərin və tədqiqatçıların işə qəbulu asanlaşdırılacaq.
Süni intellekt sahəsində normativ-hüquqi baza sadələşdiriləcək.
Qeyd edək ki, Aİ-nin sərt qaydaları süni intellekt sahəsində model və sistemlərin inkişafı üçün məlumatlardan istifadəni çətinləşdirir. Böyük texnoloji şirkətlər də Avropa qaydalarının onların tərəqqisinə mane olduğunu iddia edirlər.
