Fransanın cənub-şərqində yanğınlarla mübarizə davam edir
Fransanın cənub-şərqindəki Dröm departamentində təxminən bir həftədir davam edən yanğın hələ də söndürülməyib.
AFN.az xəbər verir ki, yerli mətbuatda yayılan xəbərlərə görə, ölkədəki yanğınlar böyük ölçüdə nəzarət altına alındığı halda, Dröm departamentinin Diois şəhərindəki yanğınlarda indiyədək təxminən 400 hektar ərazi yanıb.
Hələ də söndürülə bilməyən yanğınlarda 4 yanğınsöndürən də yüngül xəsarət alıb. Yanğınlara 400-dən çox yanğınsöndürən və 4 helikopter və ya yanğınsöndürmə təyyarəsi ilə müdaxilə davam edir.
Buş-dü-Ron departamentinin Fontvieille şəhərindəki yanğın isə dünən nəzarət altına alınıb.
Fransanın meteorologiya agentliyi Meteo-France ölkə üzrə 17 departamentdə yanğın riskinin yüksək olduğunu açıqlayıb.
Meteo-France həmçinin yeni isti hava dalğasının təsiri altına düşüldüyünü və 22 departament üçün temperatur xəbərdarlığının “narıncı” səviyyədə olduğunu bildirib.
Tarixinin ən böyük yanğın mövsümünü yaşayan Fransada bu il 117 min hektar ərazi külə dönüb.
