ABŞ Səhiyyə Nazirliyində kütləvi ixtisarlar başlayıb
ABŞ Səhiyyə Nazirliyində işləyənlər kütləvi şəkildə işdən çıxarma bildirişləri almağa başlayıblar.
AFN.az xəbər verir ki, bu barədə "ABC News" kanalı məlumat yayıb.
Bildirilir ki, ixtisarlar digərləri ilə yanaşı, Qida və Dərman Administrasiyasının 3,5 min əməkdaşına və Xəstəliklərə Nəzarət və Profilaktika Mərkəzlərinin 2,4 min əməkdaşına təsir edəcək. Səhiyyə Nazirliyində ümumi personal sayının 82 mindən təxminən 62 min nəfərə enməsi gözlənilir.
Bundan əvvəl “The Wall Street Journal” ABŞ-ın səhiyyə naziri kiçik Robert Kennedinin departamentin işçilərini əhəmiyyətli dərəcədə ixtisar etməyi, 10 min əməkdaşını işdən azad etməyi planlaşdırdığını yazıb.
