ABŞ: Livanla İsrail arasında atəşkəs fevralın 18-dək uzadıldı
ABŞ Livan və İsrail arasında atəşkəs razılaşmasının təxminən 3 həftə daha uzadıldığını açıqlayıb.
Ağ Evdən verilən açıqlamaya görə, Livan və İsrail arasında atəşkəs 18 fevral 2025-ci ilə qədər qüvvədə qalacaq.
Bəyanatda 7 oktyabr 2023-cü il tarixindən sonra əsir götürülən livanlı məhbusların ekstradisiyası üçün Livan, İsrail və ABŞ hökumətləri arasında danışıqlara başlanılacağına dair məlumatlar da yer alıb.
