Donald Tramp ABŞ-ın 47-ci prezidenti oldu
Donald Tramp Konqresdə keçirilən mərasimdə and içərək rəsmi olaraq ABŞ-ın 47-ci prezidenti olub.
ABŞ prezidenti Tramp bu gün 4 illik fasilədən sonra Konqresdə keçirilən mərasimdə and içərək vəzifəsinin icrasına başlayıb.
5 noyabr 2024-cü ildə ABŞ-da keçirilən prezident seçkilərində demokrat rəqibi Kamala Harrisi məğlub edərək qalib gələn Tramp bu gün Ağ Evə qayıdıb.
ABŞ Ali Məhkəməsinin sədri Con Robertsin sədrliyi ilə keçirilən mərasimdə and içən və dua ilə başlayan Tramp ölkənin 47-ci prezidenti kimi tarixə düşüb.
Trampın and içərkən əlini həyat yoldaşı Melani Trampın əlində olan İncilin üzərinə qoymaması diqqət çəkib.
“Mən, Donald Tramp, təntənəli surətdə and içirəm ki, Birləşmiş Ştatların prezidenti vəzifəsini sədaqətlə yerinə yetirəcəyəm və səlahiyyətim daxilində Birləşmiş Ştatların Konstitusiyasını qoruyacaq, mühafizə və müdafiə edəcəyəm” ifadələri ilə and içib.
Havaların soyuq keçməsi ilə əlaqədar Trampın göstərişi ilə Konqres binasının içərisində keçirilən andiçmə mərasiminə Co Bayden, eləcə də keçmiş prezidentlər Barak Obama, Corc Buş və Bill Klinton qatılıb.
