Trampın qalib gəldiyi prezident seçkilərinin nəticələri rəsmiləşib
2024-cü il noyabrın 5-də Respublikaçı Donald Trampın qalib gəldiyi prezident seçkilərinin nəticələri Konqresin birgə iclasında Seçicilər Kollegiyasının səsləri hesablandıqdan sonra rəsmiləşib.
ABŞ-da son dövrlərin ən mühüm prezidentlik yarışında qalib gələn Trampın ikinci dəfə prezidentliyə başlamasından bir müddət əvvəl Konqresdə keçirilən birgə iclasla seçki prosesinin yekun proseduru tamamlanıb.
Noyabrın 5-də keçirilən seçkilərdə Demokratların namizədi, ABŞ-ın vitse-prezidenti Kamala Harrisin sədrliyi ilə keçirilən birgə iclasda ştatların Seçicilər Kollegiyasının səsləri bir-bir oxunub.
Səslərin hesablanmasından sonra Trampın prezident seçkilərində ümumilikdə 312 Seçici Kollegiyasının səsini qazanaraq qalib gəldiyi rəsmiləşib. Demokrat Harris seçkilərdə olduğu kimi 226 nümayəndənin səsini toplayıb.
Yanvarın 20-də ikinci dəfə prezident kimi and içəcək Tramp ABŞ-ın 47-ci prezidenti vəzifəsini icra edəcək.
