UNRWA: Qəzzada uşaqlar soyuq hava və sığınacaq çatışmazlığı səbəbindən ölür
BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) bildirib ki, qış soyuqları və humanitar yardımların azalması fonunda Qəzza zolağında vəziyyət kritikdir.
Təşkilatın rəhbəri Filip Lazzarininin X-də verdiyi açıqlamada diqqət xüsusilə uşaqlarla bağlı vəziyyətə çəkilir. Lazzarini qeyd edib ki, Qəzzada uşaqlar soyuq hava və sığınacaq çatışmazlığı səbəbindən ölür.
"Bizim atəşkəsə və qış malları da daxil olmaqla, vacib malların tədarükünün dərhal axınına ehtiyacımız var" - deyə o bildirib. UNRWA nümayəndəsi qeyd edib ki, ədyal, döşək və digər qış ləvazimatlarının daşınması Qəzzaya girmək üçün icazə gözləyərkən aylardır dayandırılıb.
