Tramp: Putin mənimlə ən qısa zamanda görüşmək istədiyini söylədi
Ukraynadakı müharibəni ən qısa zamanda bitirmək istədiyini bildirən Tramp Putinn onunla ən qısa zamanda görüşmək istədiyini söyləyib.
ABŞ-ın yeni seçilmiş prezidenti Donald Tramp Arizona ştatında keçirilən proqramda xarici siyasətlə bağlı addımlarını dəyərləndirib.
Ukraynadakı müharibənin bir an əvvəl bitməsi lazım olduğuna işarə edən Tramp "Putin mənimlə ən qısa zamanda görüşmək istədiyini söylədi. Bunu gözləyəcəyik, amma bu müharibəni bitirməliyik" deyib.
Ukraynadakı müharibənin dəhşətli müharibə olduğunu və bu müharibədə milyonlarla əsgərin həyatını itirdiyini qiymətləndirən Tramp prezidentliyi dövründə Ukrayna müharibəsinin heç vaxt başlamayacağını bildirib.
Yanvarın 20-də prezidentliyə and içəcək Tramp uzun müddətdir ki, Ukraynada və Yaxın Şərqdəki müharibələrə son qoyacağı iddiasını səsləndirir.
