Pentaqon: ABŞ hər həftə Ukraynaya silah göndərəcək
ABŞ Müdafiə Nazirliyi Ukraynaya hər həftə silah göndərəcək. Bu, qalan yardımı ayırmağa vaxt tapmaq üçün lazımdır.
AFN.az "RBC-Ukrayna"ya istinadən xəbər verir ki, bunu Pentaqonun mətbuat katibinin müavini Sabrina Sinq bildirib.
Onun sözlərinə görə, həftəlik tədarüklər ABŞ prezidenti Co Bayden və onun administrasiyası hakimiyyəti tərk etməzdən əvvəl Ukraynaya qalan 7,1 milyard dollar yardımı təmizləmək üçün nəzərdə tutulub.
Sinq əlavə edib ki, yeni silah tədarükünün davam etdirilməsi Baydenin Ukraynaya verdiyi vəddir. Nəticədə, ABŞ Müdafiə Nazirliyi hər həftə yardım paketləri göndərməklə bu vədi yerinə yetirməyə davam edir.
“ABŞ-ın müdafiə naziri Lloyd Ostin ehtiyatların kritik səviyyələrə qədər tükənməsinə icazə verməyəcək. Beləliklə, biz öz anbarlarımızı doldurmağa davam etdikcə, siz Ukraynaya vəsait və silah axını görəcəksiniz”, - deyə Sinq yekunlaşdırıb.
