KİV: ABŞ gələcəkdə nüvə arsenalını artıracağını istisna etmir
Vaşinqton gələcəkdə nüvə arsenalının artırılmasını istisna etmir, lakin bununla bağlı qərarı ABŞ-ın növbəti prezidenti Donald Tramp verəcək.
AFN.az xəbər verir ki, bu barədə ABŞ-ın hazırkı lideri Co Bayden administrasiyasındakı mənbələrə istinadən "Wall Street Journal" məlumat yayıb.
“Əgər cari tendensiya davam edərsə və vəziyyət mənfi istiqamətdə inkişaf edərsə, o zaman gələcəkdə ABŞ-ın yerləşdirilən nüvə silahlarının sayının artırılmasına ehtiyac yarana bilər”, - deyə adı açıqlanmayan yüksək rütbəli ABŞ rəsmisi bildirib. Mənfi ssenari haqqında danışarkən o, Rusiyanın silahlara nəzarətdən imtina etdiyini, Çin və Şimali Koreyanın isə qabiliyyətlərini artırdığını qeyd edib.
"The Wall Street Journal"ın yazdığına görə, tezliklə Konqresə göndəriləcək məxfiliyi silinmiş nüvə silahlarına dair təlimat hesabatında konkret addımlar göstərilməsə də, qeyd edilir ki, Vaşinqton nüvə imkanlarını, strukturunu və ölçüsünü bu fakta uyğunlaşdırmağa ehtiyac duya bilər: "ABŞ-ın bir çox düşməni nüvə silahını öz milli təhlükəsizlik strategiyalarının daha vacib komponenti] edir".
Qəzet əlavə edir ki, inauqurasiyadan sonra Trampın qondarma nüvə triadasının hər üç hissəsini gücləndirmək üçün bir neçə hazır variantı olacaq.
