"Roblox" İngiltərədə qadağan edilə bilər
İngiltərədə onlayn mühitlərdə uşaqların təhlükəsizliyi ilə məşğul olan fəallar tənzimləyici və nəzarət orqanı olan Rabitə Ofisindən (Ofcom) “pedofiliya cəhənnəmi”nə çevrilmiş "Roblox" oyun platformasına qarşı sərt addımlar atmasını istəyirlər.
İngiltərədə dərs olunan "The Guardian" qəzetinin xəbərinə görə, araşdırma şirkəti "Hindenburg" "Roblox" haqqında pedofiliya, şiddət və sui-istifadə iddialarını ehtiva edən hesabat açıqlayıb.
Platformadakı məzmunun uşaqları pedofiliya, böyüklər üçün nəşrlər, zorakılıq və təhqiramiz çıxışların hədəfinə çevirdiyini ifadə edən "Hindenburg" uşaqlara cinsi istismara görə mühakimə olunarkən vəfat edən Ceffri Epstein adına "Roblox"da çoxlu hesabların açıldığını qeyd etdi.
Hesabatda deyilir: "Biz gördük ki, "Roblox" "pedofiliya cəhənnəmi"dir, bizim oyun personajlarımızı aldatmağa çalışan istifadəçilərlə, uşaq istismarı şəkillərini açıq şəkildə satan qruplarla, cinsi xarakterli oyunlar, zorakı məzmun və həddindən artıq söyüşlə doludur, bunların hamısı uşaqlarımıza açıqdır".
"Roblox" isə "Hindenburg"un tənqidini rədd edərək, sözügedən məzmunun silindiyini və araşdırmaların davam etdiyini açıqlayıb.
Onlayn mühitlərdə uşaqların təhlükəsizliyi ilə məşğul olan fəal qruplar Ofcom-u Onlayn Təhlükəsizlik Aktını ciddi şəkildə tətbiq etməyə və texnologiya şirkətlərinə sərt qaydalar tətbiq etməyə çağırıb.
Gündəlik təxminən 80 milyon istifadəçisi olan "Roblox" oyun platformasında 9 yaşdan kiçik istifadəçilərin nisbəti yüzdə 20 təşkil edir, ümumi istifadəçilərin əksəriyyəti isə 16 yaşdan kiçiklərdir.
