İngiltərədə təhlükəli it cinslərinin qadağan edilməsi gündəmdədir
İngiltərədə bir American Bully "XL" cinsi it 11 yaşlı kiçik qıza hücum etdikdən sonra Britaniya Daxili İşlər Nazirliyi bu cinsi qadağan etmək üçün işə başlayıb.
İngiltərədə 11 yaşlı uşağa və ətrafdakı insanlara hücum edən Amerikan Bully "XL" itinin görüntülərinin sosial mediada yayılmasından sonra açıqlama verən İngiltərə Daxili İşlər Naziri Suella Braverman qadağan üçün işlərə başladıqlarını açıqlayıb.
Daxili İşlər Naziri Suella Braverman son hücumla bağlı açıqlama verib: “Bu, çox dəhşətlidir. American "XL" Bully icmalarımız, xüsusən də uşaqlar üçün açıq və ölümcül təhlükədir. Biz belə davam edə bilmərik. Mən bu cinsləri qadağan etmək üçün təcili tövsiyələr vermişəm.
İngiltərədə heyvanların rifahı üçün çalışan Kral Heyvanlara Qəddarlığın Qarşısının Alınması Cəmiyyəti (RSPCA) aşağıdakı açıqlama ilə çıxış edərək, cinslərin qadağan edilməsinin bu cinsləri cinayətkarların gözündə daha dəyərli etdiyini vurğulayıb:
“Bunlar böyük və güclü itlərdir, ciddi xəsarətlər verə bilərlər. Ancaq təbiətcə aqressiv deyillər. Təəssüf ki, bu itlər bir çox sahibləri aqressiv davranışa sövq edən əmtəəyə çevriliblər və bunun dəyişdirilməsi lazımdır”.
