İsrail Suriya və ya Yəməndə SEPAH-a zərbə endirməyi planlayır - KİV
İsrail İranın raket hücumlarına cavab olaraq Suriya və ya Yəməndə Tehranın dəstəklədiyi birləşmələrə və ya birbaşa İslam İnqilabı Keşikçiləri Korpusunun qüvvələrinə zərbələr endirə bilər.
AFN.az xəbər verir ki, bu barədə Amerika administrasiyasındakı mənbələrə istinadən “Politico” qəzeti yazıb.
"Co Baydenin köməkçiləri qeyd ediblər ki, Birləşmiş Ştatlar İranın hücumuna cavab tədbirləri ilə bağlı İsraillə fəal şəkildə müzakirələr aparır, buna hərbi zərbə də daxil ola bilər. Digər şeylər arasında İranın dəstəklədiyi milislərə və ya birbaşa SEPAH-a hücum ehtimalı var. Yəmən və ya Suriyadakı qüvvələr nəzərdən keçirilir”, - deyə qəzet yazır. O qeyd edilir ki, ABŞ administrasiyası məhdud reaksiyanın tərəfdarıdır.
