ABŞ Məxfi Xidməti Trampa sui-qəsd cəhdinin müstəqil təhqiqatını dəstəkləyir
ABŞ Məxfi Xidmətinin direktoru Kimberli Çitl ABŞ-ın keçmiş prezidenti Donald Trampa qarşı sui-qəsd cəhdi ilə bağlı müstəqil təhlükəsizlik təhqiqatını dəstəklədiyini bildirib.
"Fox News"un məlumatına görə, Çitl verdiyi açıqlamada iyulun 13-də baş verən sui-qəsd cəhdi ilə bağlı müstəqil təhlükəsizlik təhqiqatının aparılmasını, o gün baş verənləri qiymətləndirmək və oxşar hadisənin bir daha təkrarlanmaması üçün tövsiyələr verməsini səbirsizliklə gözlədiyini bildirib.
Çitl Trampa sui-qəsd cəhdinin müstəqil təhqiqatı ilə əməkdaşlığa hazır olduğunu ifadə edərək, Məxfi Xidmətin də hərəkətin gedişatını araşdırmaq üçün daxili addımlar atdığını qeyd edib.
Məxfi Xidmətin Federal Təhqiqat Bürosu (FTB) və ABŞ Konqresi kimi birliklərin digər təhqiqatları ilə şəffaf və sürətlə əməkdaşlıq edəcəyini təkrarlayan Çitl vurğulayıb ki, ABŞ Məxfi Xidmətinin qüsursuz bir missiyası var: "Bu, təhlükəsizliyi təmin etməkdir. Mən lazım olan hər addımı atacağam".
