Zurabişvili xarici agentlər haqqında qanundan konstitusiya məhkəməsinə şikayət edəcək
Gürcüstan prezidenti Salome Zurabişvili xarici agentlər haqqında qanundan konstitusiya məhkəməsinə şikayət edəcək.
Bu barədə iyulun 15-də “TV Pirveli” məlumat yayıb.
"Bu gün iddia məhkəməyə göndəriləcək və ümid edirəm ki, tezliklə görüş təyin olunacaq, bu işə və bu iddiaya tez bir zamanda baxılacaq, çünki vaxt böyük əhəmiyyət kəsb edir" prezidentin maraqlarını müdafiə edəcək vəkil Eka Beselia bildirib.
Onun sözlərinə görə, bütün ölkə bu işi gözləyir. Beselia əlavə edib ki, iddia konstitusiya məhkəməsi bu mübahisəni mahiyyətcə həll edənə qədər, yəni ilkin mərhələdə qanunun fəaliyyətini dayandırana qədər qaydanın dayandırılmasını tələb edir.
Beseliyanın fikrincə ilkin mərhələdə bu zəruridir.
Gürcüstan prezidentinin sözlərinə görə, qanun Konstitusiyaya uyğun gəlmir.
