ABŞ-da 103 il əvvəlki qaradərili qırğını ilə bağlı iş dayandırılıb
Amerika Birləşmiş Ştatlarının Ali Məhkəməsi 103 il əvvəl Tulsa şəhərində törədilən və tarixdə "qara ləkə" kimi yadda qalan irqçi hücumlar nəticəsində dəyən zərərin ödənilməsi üçün açılan təzminat işində rayon məhkəməsinin rədd qərarını təsdiqləyib və dosyeni bağlayıb.
Qırğından sağ çıxan son iki şəxs, 110 yaşlı Viola Fetcher və 109 yaşlı Lessie Benningfield Randle tərəfindən qaldırılan işdə dəymiş maddi zərərə polisin fəaliyyətinin səbəb olduğu bildirilir. İddiada "Black Wall Street" olaraq bilinən ticarət bölgəsində yüzlərlə qaradərilini qətlə yetirən irqçi ağ qrupun vurduğu zərərin qarşılanması tələb edilirdi.
İş üzrə cavabdeh kimi irəli sürülən Tulsa şəhər rəhbərliyi 103 il əvvəl baş vermiş faciəvi hadisəyə görə məsuliyyət daşımamalı olduqlarını bildirib.
Verilən məhkəmə qərarı ilə irqçi qətliamın son şahidlərinin təqdim etdiyi iş materialları mühafizəyə götürülüb və heç kim irqçi hücuma görə məsuliyyət daşımayıb.
Keçən il 102 yaşında vəfat edən Randle, Fletçer və Hughes Van Ellis, Tulsa üçün sağ ikən "ədalət" görmək ümidi ilə 2020-ci ildə Tulsa şəhər hökumətinə və yerli və əyalət vahidlərinə qarşı dəymiş ziyanın ödənilməsi üçün məhkəməyə müraciət ediblər.
1921 Tulsa qırğını
31 may 1921-ci ildə Oklahoma ştatının Tulsa şəhərində ayaqqabı parıldadan oğlan kimi işləyən 19 yaşlı qaradərili Dik Rouland liftdə ağdərili qıza təcavüz etdiyi üçün saxlanılıb. Xəbərin yayılmasından sonra Roulandı linç etmək üçün polis idarəsinə gələn yüzlərlə ağdərili ilə Roulandı müdafiə etməyə gələn qaradərili qruplar arasında baş verən qarşıdurmada 12 nəfər həyatını itirib və hadisələr nəzarətdən çıxıb.
Silahlı ağ qruplar, polis və milli qvardiyanın əməkdaşlığı ilə iş yerlərinə və məhəllələrə, xüsusən də o zamanlar qaradərililərə məxsus olan Qrinvud iş bölgəsinə hücum ediblər. Gecə boyu yüzlərlə iş yeri və ev talan edilərək yandırılıb.
Bildirilib ki, 300-dən çox qaradərilinin öldüyü bildirilən hadisələrdə yerli hakimiyyət orqanları heç bir rəsmi qeyd aparmadan dəfn mərasimlərini qadağan edərək, həyatını itirənləri tələsik dəfn ediblər.
Şəhər hökuməti və sığorta şirkətləri yandırılmış və talan edilmiş qaradərililərə məxsus biznes və evlərə dəyən ziyanı kompensasiya etməyib və qara Uoll Strit kimi tanınan Qrinvud ticarət dairəsi şəhərdən silinib.
Çoxlu qaradərili insanın öldüyü irqçi “Tulsa qırğını” ilə bağlı açılan işdə aşağı məhkəmə təzminata ehtiyac olmadığına qərar verib.
