Lavrov F-16-nın Ukraynaya təhvil verilməsini NATO-nun nüvə sahəsində siqnalı adlandırıb
"Rusiya F-16 qırıcılarının Kiyevə çatdırılmasını NATO-nun nüvə sahəsində düşünülmüş siqnalı kimi qiymətləndirəcək. Eyni zamanda, təyyarə Ukrayna Silahlı Qüvvələrinin digər hərbi texnikası kimi məhv ediləcək".
AFN.az xəbər verir ki, bunu Rusiyanın xarici işlər naziri Sergey Lavrov deyib.
“F-16 qırıcıları uzun müddət NATO-nun birgə nüvə missiyaları üçün əsas çatdırılma vasitəsi olub. Onlar bizə başa salmağa çalışırlar ki, Ukraynada ABŞ və NATO sözün əsl mənasında hər şeyə hazırdır”, - deyə o, qeyd edib.
Bununla belə, Lavrovun fikrincə, qırıcıların tədarükü döyüş təmas xəttindəki vəziyyəti heç bir şəkildə dəyişməyəcək.
