Mariya Zaxarova: Makron Ukrayna haqqında qəribə şeylər danışır
Rusiya Xarici İşlər Nazirliyinin sözçüsü Mariya Zaxarova Fransa prezidenti Emmanuel Makronun Ukraynaya qoşun göndərilməsi ilə bağlı qəribə şeylər dediyini bildirib.
“Solovyov Live” telekanalına açıqlamasında Zaxarova Fransa prezidenti Makronun Ukraynaya hərbi qoşun göndərilməsi və atəşkəslə bağlı açıqlamalarını tənqid edib.
Makronun müxtəlif vaxtlarda fərqli açıqlamalar verdiyinə diqqət çəkən Zaharova, "O, davamlı olaraq özü ilə ziddiyyət təşkil edir və çox qəribə sözlər söyləyir. Əvvəl münaqişə bölgəsinə Avropa Birliyi və ya ayrı-ayrı NATO ölkələrinin qoşunlarının göndərilməsindən danışır, sonra bildirir ki, heç vaxt belə bir şeyə cəhd etməyəcək. İndi də o, Olimpiya Oyunları ərzində Rusiyaya atəşkəs təklif edəcəyi barədə danışır” ifadələrini işlədib.
Qeyd edək ki, Makron Ukrayna mətbuatına demişdi ki, Fransa Parisdə Olimpiya Oyunları zamanı Rusiyaya atəşkəs təklif edəcək.
