İslandiyada vulkan püskürməsi baş verib
İslandiyanın Qrindavik yaxınlığındakı Faqradalsfyal vulkanının Sundhnukagigar kraterində püskürmə baş verib.
Bu barədə İslandiya Sahil Mühafizəsi məlumat paylaşıb.
Daha əvvəl eyni bölgədə 2023-cü ilin dekabrında və 2024-cü ilin fevralında da partlayışlar baş verib. İslandiya Sahil Mühafizəsi tərəfindən verilən açıqlamada Sahil Mühafizəsinin vertolyot komandası gecə saatlarında Haqafell və Stora-Skogfell arasındakı Sundhnukagigar kraterində partlayışın baş verdiyi bölgəyə alimlərlə birlikdə uçduğu qeyd edilib. Uçuşun partlayışın ölçüsünü qiymətləndirmək məqsədilə alimlərlə birlikdə həyata keçirildiyi vurğulanıb.
