Yer kürəsində maqnit qasırğası başlayıb
Bu barədə "Meteovesti" məlumat yayıb.
Alışmalar 25-ci günəş tsiklinin əvvəlindən, yəni 2019-cu ilin dekabrından bəri baş verən ən güclü beş partlayışdan biri olub. Mütəxəssislər qeyd ediblər ki, bir qrup günəş ləkəsi artıq Yer-Günəş xəttini keçib və hazırda günəş diskinin şərq kənarına doğru hərəkət edir, günəş maddəsinin bir hissəsi isə Yeri “tutub”.
Geomaqnit sahəsinin pozulma səviyyəsini xarakterizə edən Kp əmsalı Bakı vaxtı ilə səhər saat 7:00-dan sonra dörd vahidi keçib və maqnitosfer zəif pozulmuş vəziyyətə düşüb. Üç saatdan artıq müddətdə əmsal beş vahidə çatıb, bu isə o deməkdir ki, Yer kürəsində G1 sinfinə aid zəif maqnit qasırğası başlayıb.
Mütəxəssislər qeyd ediblər ki, hazırda Yer kürəsi 2024-cü ilin əvvəlindən bəri ilk maqnit qasırğasına məruz qalır. Lakin proqnozlar onun güclənməsini nəzərdə tutmur. Əksinə, fırtınanın tezliklə keçəcəyi gözlənilir.(Publika.az )
